Goobta shaqada ee Meta waa madal onleen ah oo ay samaysay Meta taas oo u ogolaanaysa isticmaalayaasha in ay wada shaqeeyaan oo ay ku wadaagaan macluumaadka goobta shaqada. Madasha Goobta shaqada waxaa ku jira mareegaha Goobta shaqada, app-yada iyo adeegyada onleenka ah ee la xidhiidha, si wadajir ahaan ah "Adeega".

Xeerka Asturnaanta ayaa qeexaya sida macluumaadkaaga loo uruuriyo, loo isticmaalo oo loo wadaago marka aad isticmaasho Adeegga.

Adeegga waxaa loogu talagalay inay isticmaalaan ururada iyo si waafaqsan tilmaamahooda waxaana ku siinaya loo shaqeeyahaaga ama urur kale oo oggolaaday gelitaankaaga, iyo isticmaalkaaga adeegga. (“Ururkaaga”).

Adeeggu waa ka duwan yahay adeegyada kale ee Meta ee laga yaabo inaad isticmaasho. Adeegyada kale ee Meta waxaa ku siinaya Meta waxaana maamulaya shuruudahooda. Si kastaba ha ahaatee, adeegga waxaa bixiya Ururkaaga waxaana maamulaya Xeerarkan Asturnaanta iyo Xeerka Isticmaalka La Aqbali karo ee Goobta Shaqada iyo Xeerka Xog-keydiyayaasha Goobta Shaqada.

Ururkaagu wuxuu mas'uul ka yahay oo maamulaa koontadaada Goobta shaqada ("Koontadaada"). Ururkaagu wuxuu sidoo kale mas'uul ka yahay uruurinta iyo isticmaalka xog kasta oo aad ku soo gudbiso ama ku bixiso Adeegga oo isticmaalka noocaas ah waxaa lagu maamulaa shuruudaha ururkaagu la leeyahay Meta.

Xeerkan Asturnaanta waxaa dheer, Ururkaagu waxaa laga yaabaa inuu leeyahay xeerar dheeraad ah ama xeerar anshaxeed kuwaas oo lagu dabaqi doono si la xidhiidha isticmaalkaaga Adeegga.

Haddii aad qabto wax su'aalo ah oo ku saabsan isticmaalkaaga adeegga, fadlan la xidhiidh Ururkaaga.

I. Waa maxay noocyada macluumaadka la uruuriyo?

Ururkaagu wuxuu uruurin doonaa noocyada macluumaadka soo socda marka adiga, asxaabtaada ama isticmaalayaasha kale ay galaan Adeegga:

macluumaadkaaga xidhiidhka, sida magaca buuxa iyo cinwaanka iimaylka;
magacaaga isticmaale iyo fure sireedkaaga;
Booskaaga shaqada, macluumaadka waaxda iyo macluumaadka kale ee la xidhiidha shaqadaada ama ururkaaga;
nuxurka, isgaarsiinta iyo macluumaadka kale ee aad bixiso marka aad isticmaasho Adeegga, oo ay ku jiraan marka aad furanayso koonto, samayso ama wadaagto nuxur, oo farriin dirto ama la xidhiidho kuwa kale. Tan waxaa ku jiri kara macluumaadka ku jira ama ku saabsan nuxurka aad bixiso (sida xogta badan), sida goobta sawirka ama taariikhda fayl la sameeyay;
nuxurka, isgaarsiinta iyo macluumaadka ay dadka kale bixiyaan marka ay isticmaalaan Adeegga. Tan waxaa ku jiri kara macluumaadka adiga kugu saabsan, sida marka ay wadaagaan ama faallo ka bixiyaan sawir adigu aad leedahay, farriin kuu soo diraan, ama soo galiyaan, isku xidhaan ama soo dajiyaan macluumaadkaaga xidhiidhka;
dhammaan xidhiidhada kale ee lala yeesho isticmaaleyaasha kale ee Adeegga;
isgaarsiinta isticmaalaha, jawaabcelinta, soo jeedinada iyo fikradaha loo soo diro Ururkaaga;
macluumaadka biilasha; iyo
macluumaadka aad bixiso marka adiga ama Ururkaagu aad la xidhiidhaan ama aad la falgashaan taageero madal oo la xidhiidha Adeegga.

II. Sidee Ururkaagu u isticmaalaa macluumaadkan?

Ururkaagu waxa uu wadaagi doonaa macluumaadka uu ku uruuriyo Meta, madal bixiye ka ahaan, si loogu ogolaado Meta inay siiso oo ay ku taageerto Adeega Ururkaaga iyo isticmaalayaasha kale iyo si waafaqsan tilmaamo kasta oo kale ee ka socdo Ururkaaga. Tusaalooyinka isticmaalka noocaas ah waxaa ka mid ah:

kala xidhiidhida isticmaalayaasha iyo maamulayaasha wax ku saabsan isticmaalkooda Adeegga;
kor ugu qaadida amniga iyo badbaadada Adeegga Ururkaaga iyo isticmaalayaasha kale, sida iyadoo la baarayo dhaqdhaqaaqyada laga shakiyo ama ku xadgudubyada shuruudaha ama xeerarka khuseeya;
gaaryeelida isticmaalkaaga iyo isticmaalka ururkaaga iyada oo qayb ka ah bixinteena Adeegga;
u hormarinta qalabyo cusub, badeecooyin ama adeegyo gudaha Adeegga ee Ururkaaga;
la xidhiidhinta dhaqdhaqaaq Adeegga guud ahaan aaladaha kala duwan ee uu ku shaqeeyo isla hal shakhsi si loo horumariyo guud ahaan hawlgalka Adeegga;
si loo aqoonsado oo loo hagaajiyo cilladaha laga yaabo inay jiraan; iyo
samaynta falanqaynta xogta iyo nidaamka, oo ay ku jiraan cilmi-baarista si loo horumariyo Adeegga.

III. Shaacinta macluumaadka

Ururkaagu wuxuu u shaaciyaa macluumaadka la uruuriyay siyaabaha soo socda:

bixiyeyaasha adeegga qolada saddexaad ee ka caawiya bixinta Adeegga ama qayb ka mid ah Adeegga;
app-yada, mareegaha ama adeegyada kale ee qolada saddexaad ee aad ku xidhi karto Adeegga;
Iyadoo la xidhiidhinaayo macaamil ganacsi oo la taaban karo, sida wareejinta Adeegga, isku darka, xoojinta, iibinta hantida ama dhacdo aan dhici karin oo ah musalaf ama kharash la'aan;
si loo ilaaliyo badbaadada qof kasta; si wax looga qabto khiyaanada, amniga ama arrimaha farsamada; iyo
Iyadoo la xidhiidhto amar maxkamadeed qoran, shati maxkamadeed, amar baadhis ama codsi kale ama amar ka yimid hay'adda sharci fulinta.

IV. Gelida iyo wax ka beddelka macluumaadkaaga

Adiga iyo Ururkaagu waxaa aad geli kartaan, sixi kartaan ama tirtiri kartaan macluumaadka aad soo galiseen Adeegga idinkoo isticmaalaya qalabyada ku jira gudaha Adeegga (tusaale, wax ka beddelka macluumaadka boggaaga aqoonsiga ama adoo u maraya Diiwaanka Dhaqdhaqaaqa). Haddii aadan awoodin inaad sidaas sameyso adigoo isticmaalaya qalabka lagu bixiyay gudaha Adeegga, waa inaad si toos ah ula xidhiidhaa Ururkaaga si aad u gasho ama wax uga beddesho macluumaadkaaga.

V. Qaabdhismeedka Asturnaanta Xogta ee EU-U.S.

Meta Platforms, Inc. ayaa aqoonsatay ka-qaybgalkeeda Qaabdhismeedka Asturnaanta Xogta ee EU-U.S. Waxaan ku tiirsanahay Qaabdhismeedka Asturnaanta Xogta ee EU-U.S, iyo go'aanka rasmiga ah ee la xidhaadha Gudiga Yurub, u wareejinada macluumaadka Meta Platforms, Inc. ee Maraykanka ee badeecooyinka iyo adeegyada lagu qeexay aqoonsigaas. Wixii macluumaad dheeraad ah, fadlan dib u eeg Shaacinta Qaabdhismeedka Asturnaanta Xogta ee Meta Platforms, Inc.

VI. Nuxurka iyo linki-yada qolada saddexaad

Adeegga waxaa ku jiri kara link-yada nuxurka ay hayaan qolyaha saddexaad ee ururkaagu aanu xakamayn. Waa inaad dib u eegtaa xeerarka asturnaanta ee mareeg kasta ee aad booqato.

VII. Xidhitaanka Koontada

Haddii aad jeclaan lahayd inaad joojiso isticmaalka Adeegga, waa inaad la xidhiidhaa Ururkaaga. Sidoo kale, haddii aad joojiso u shaqeynta ama la shaqaynta ama la joogista Ururka, Ururka waxa laga yaabaa inuu laalo Koontadaada iyo/ama tirtiro wixii macluumaad ah ee la xidhiidha Koontadaada.

Caadi ahaan waxay qaadataa illaa 90 maalmood in la tirtiro koonto ka dib xidhitaanka koontada, laakiin macluumaadka qaar ayaa laga yaabaa inay ku sii jiraan nuqulada kaydka wakhti muddo macquul ah. Fadlan ogow in nuxurka aad samayso oo aad ku wadaagtay Adeegga uu leeyahay Ururkaaga oo laga yaabo inuu ku sii jiro Adeegga oona marin loo heli karo xitaa haddii Ururkaagu hawada ka saaro ama joojiyo Koontadaada. Qaabkan, nuxurka aad ku bixiso Adeegga wuxuu la mid yahay noocyada kale ee nuxurka (sida bandhigyada ama xusuusinada) oo laga yaabo inaad soo saarto inta aad shaqada ku jirto.

VIII. Isbeddelada lagu sameeyo Xeerka Asturnaanta

Xeerkan Asturnaanta ayaa laga yaabaa in loo cusboonaysiiyo si wakhti ka wakhti ah. Marka la cusboonaysiiyo taariikhda ''ugu dambeysay ee la cusboonaysiiyey'' ee hoose ayaa la beddeli doonaa oo Xeerka Asturnaanta cusub ayaa lagu soo boosti gareyn doonaa onleenka.

IX. Xidhiidhka

Haddii aad wax su'aalo ah ka qabto Xeerkan Asturnaanta ama Xeerka Isticmaalka La Aqbali karo ee Goobta Shaqada, fadlan la xidhiidh Ururkaaga adoo u marayo Maamulka Ururkaaga.

Dadka degan California, waxaad wax badan ka baran kartaan oo ku saabsan xuquuqahaaga asturnaanta ee macaamilka adoo la xidhiidhaya Ururkaaga oo u maraaya Maamulka Ururkaaga.

Waxaa markii ugu dambeysay la cusbooneysiiyay: 10 Oktoobar 2023